MATERI BAB 1 SUB 2 GAYA BAHASA GEGURITAN - BAHASA JAWA KELAS XI

 

Gaya Basa (Majas)

Gaya basa (majas) ateges cara-carane manungsa migunakake basa amrih gampang ditampa, endah lan kepenak dirasa lan dirungu. Kang klebu gaya basa umpamane

1.      Metafora  Unen-unen pepindhan (diumpamakake). 
Tuladha : Dhasar rai gedheg, wis ditolak isih wani mara ing ngomahe!

2.      Personifikasi  Araning barang mati diumpamakake bisa polah kaya manungsa. 
Tuladha : Ombak segara katon playon oyak-oyakan.

3.      Hiperbola Pepindhan sing kliwat/keladuk. 
Tuladha : Awake kayawatu nganti ora bisa dijiwit

4.      Ironi Unen-unen sing nyaritakake kosok balene.
Tuladha : 
Tulisanmu jan apik banget nganti ora bisa diwaca. 
Pancen sregep tenan anakku iki, esuk tangi turu wis.dolanan HP

5.      Pleonasme  Pratelan penegas, kang sejatine ora kudu kasebut rangkep.
Tuladha : 
Ayo ndang maju na ngarep! 
Anggonmu menek aja dhuwur-dhuwur.

6.      Antitese Unen-unen kang mawa tembung kosok balen. 
Tuladha : 
Rina wengi anggonku ndedonga muga-muga kowe kabeh tansah pinaringan  kabagas warasan.. 
Gedhe cilik, enom tuwa, lanang wadon padha nindakake sholat gerhana.

7.      Retoris  Pratelan pitakonan kang ora prelu wangsulan.
Tuladha : 
Apa ana wong tega mateni wong tuwane? 
Apa kowe pengin dikroyok wong sakampung? 

8.      Repetisi Pratelan kang bola-bali sinebut ing ukara. 
Tuladha : Saya suwe, saya alum, saya garing, wusana banjur mati

9.      Paradoks  Pratelan kang kosok balen karo kahanane. 
Tuladha : Lambene isih bisa ngguyu sanajan atine nangis

10.  Litotes  Pratelan kanggo ngalusake kahanan.
Tuladha : Aku ora nduwe ndhuwit, iki mung ana pitung atus ewu. 

 

Gladhen Gaya Bahas. Ukara-ukara ing ngisor iki aranana kalebu gaya basa apa!

1.      Ombak segara katon-playon oyak-oyakan.

2.      Krungu kabar kesripahan iku ana udan tangis ing kulawargaku.

3.      Angin esuk iki ngelus-elus atiku.

4.      Sanajan atine nangis nanging lambene isih bisa ngguyu. 

5.      Mangga nitih grobak kula kemawon..

6.      Swarane lembut kaya kapas.

7.      Sapa wonge sing pengin lara? 

8.      Aku lagi ra nduwe dhuwit, iki mung ana sangang atus ewu. 

9.      Dalane mudhun njojrog. 

10.  Tulisanmu apik banget nganti ora bisa diwaca. 

 

Gladhen lan materi ning duwur kuwi, dicatat lan dikerjakake ning buku catatan masing-masing